Moitos disfraces na II San Silvestres do Pino, que gañaron Iago Mateos e Ainhoa Reboiras

Os premios aos mellores disfraces de grupo foron para ‘Ferrero Rocher’ e ‘Papá Noel cos seus renos’, na categoría de maiores; e para as ‘Uvas de fin de ano’ na infantil

Laura Moure/O Pino

Moitos disfraces e un grande ambiente na segunda edición da San Silvestres do Pino, que gañaron Iago Mateos Calviño e Ainhoa Rebores Bustelo na categoría absoluta. Máis de 150 atletas participaron nas diferentes categorías desta proba organizada este sábado, 27 de decembro, polo Concello en colaboración co Club Atletismo O Pino. O público gozou vendo os disfraces de moitas das persoas participantes de todas as idades.

Un grupo de dez atletas do C.A. Tambre achegáronse caracterizados dos bombóns Ferrero Rocher, que lles serviu para gañar o primeiro premio. Despois dunha difícil deliberación o xurado decidiu concederlle o segundo galardón nesta categoría ao Papá Noel que percorreu os catro quilómetros da proba absoluta acompañado por sete renos.

O mellor grupo na categoría infantil foi para as Uvas de fin de ano, mentres que no concurso individual o Pitufo voador gañou na categoría de maiores e a súa filla, disfrazada

de Mamá Noel, levou o primeiro premio na infantil.

 Publicidade

Preme na imaxe para obter máis información.

Ademais do aplauso do público, cada unha das persoas gañadoras no concurso de disfraces recibiron como agasallo un vale cun 20% de desconto para unha comida no restaurante Sabugueira Madalena, de Castrofeito.

Despois de disputarse as probas das categorías escolares, na que todos os participantes

levaron unha medalla como recordo, celebrouse aproba absoluta, cun percorrido de catro

quilómetros. Iago Mateos Calviñ foi o primeiro en cruzar a liña de meta, seguido de Mauro

Fuentes e Matías Cao Blanco. Entre as mulleres, as máis rápidas foron Ainhoa Reboiras

Bustelo, Noa López Novo e Margarita González García, as tres do Atletismo Obradoiro.

Publicidade

Preme para contactar con nós e pregunta polas tarifas que son unha bicoca!

Ao rematar, todas as persoas participantes degustaron un chocolate con churros.

Entregaron os premios o alcalde, Manuel Taboada; e os integrantes do equipo de goberno

Borja Castro, Eva Varela e José Fuentes.