O Concello instala un centenar de puntos de luz polo núcleo urbano e nas parroquias
Laura Moure/Melide
O Concello de Melide xa ten todo a punto para o acendido do alumeado de Nadal deste ano, que terá lugar hoxe, venres, 1 de decembro, ás 18 horas. Nesta ocasión, son preto de 100 os puntos de luz que se instalaron por todo o termo municipal, incluÃndo tanto o núcleo urbano como as parroquias do rural.
Unha das grandes novidades deste ano será o photocall instalado no Cantón de San
Roque, onde veciñanza e visitantes poderán fotografarse xunto ás luces. Outros atractivos
serán a árbore de luces de máis de 15 metros de altura situado no cruce do centro da vila
ou a bóla transitable, de cinco metros de altura, que se colocou na Praza do Convento.
Publicidade
Ademais, o alumeado constará de modelos completamente novos en varios puntos, como
a Avenida de Lugo.
Publicidade
O horario de acendido das luces neste Nadal será de 18 a 2 horas. Un ano máis, Melide
enféitase cun alumeado moi especial que cadrará no tempo co concurso de escaparates,
de forma que o municipio luza o seu mellor aspecto durante as datas de Nadal, xerando
un ambiente que convide a veciñas/os e visitantes a desfrutar da nosa vila, tal e como sinala o Concello.
