"Melide reduciu case 25 veces o tempo medio para o pago a provedores dende 2016", sinala o Concello

Actualmente, o período medio de pagamento global a provedores é de 1,65 días, tal e como recoñece o Ministerio de Facenda e Función Pública

Laura Moure/Melide

O Concello de Melide conseguiu levar a cabo nos últimos anos, tal e como recalca, unha notable redución dos períodos de espera dos provedores municipais para o cobro polos seus servizos. Tal e como vén de recoller o Ministerio de Facenda e Función Pública, no cuarto trimestre do pasado 2022 o período medio de pagamento global a provedores situouse en Melide en 1,65 días, fronte ao 1,71 do ano 2021. En 2020 este período fora de 1,62 días, cun importante descenso dende os 8,37 días de 2019.

"A diminución faise máis acusada se temos en conta os tempos medios de anteriores

exercicios. Deste modo, a finais de 2018 o tempo medio para o pagamento a provedores era de 8,66 días, por 37,83 en 2017 e 40,52 no ano 2016", sinala a administración local.

Preme na imaxe se queres contactar connosco!

O concelleiro de Facenda, Xosé Igrexas, considera que "o constante descenso nas cifras

de tempo de espera para o pagamento a provedores aumenta a fiabilidade do Concello

de Melide como pagador" e transmite “confianza de cara a provedores e empresas que

prestan servizos ao concello”. Neste sentido, o edil subliña que “as institucións públicas debemos dar exemplo de rigor, confianza e seriedade”, algo no que o Concello de Melide “está a conseguir, e así o avala o Ministerio, importantes avances nos últimos anos”.