Melide acolle o 28 unha actuación solidaria a favor do proxecto Música para Salvar Vidas

A recadación destinarase a unha iniciativa que leva máis de dúas décadas acompañando a nenos e mozos en Uganda mediante a música, a educación e as artes como ferramentas de desenvolvemento persoal e social

Laura Moure/Melide

O vindeiro sábado 28 ás 19:00 horas, Melide acollerá unha actuación solidaria a favor do proxecto Música para Salvar Vidas no Centro Sociocultural Mingos de Pita. O evento combinará danza contemporánea, teatro corporal e percusión nun espectáculo pensado para sensibilizar e colaborar cunha iniciativa educativa e social en Uganda.

Sobre o escenario participarán AF Ndanza e Ugandan Sticks, dous proxectos artísticos cunha forte carga expresiva e compromiso social. AF Ndanza presentará unha proposta baseada na transmisión de emocións a través do movemento e na reivindicación da igualdade, mentres que Ugandan Sticks achegará ritmo, enerxía e alegría cunha posta en escena dinámica e participativa.

 Publicidade

Preme para obter máis información.

A recadación destinarase ao proxecto Música para Salvar Vidas, unha iniciativa que leva máis de dúas décadas acompañando a nenos e mozos en Uganda mediante a música, a educación e as artes como ferramentas de desenvolvemento persoal e social.

As entradas teñen un prezo de 12 euros (6 euros para menores de 12 anos) e poden adquirirse anticipadamente na plataforma giglon.com ou na billeteira antes do espectáculo.

 PUBLICIDADE

Preme na imaxe para contactar con nós!

Esta actividade conta coa colaboración do Concello de Melide e súmase ás accións solidarias que se desenvolven no municipio para apoiar proxectos de cooperación internacional a través da cultura.

Máis información deste proxecto no enlace: https://musicaparasalvarvidas.org/