Melide acolle hoxe un roteiro literario guiado para dar a coñecer o legado dos escritores e escritoras da vila
- Laura Moure
- hace 2 horas
- 2 min de lectura
A proposta dá continuidade á iniciativa posta en marcha con motivo das Letras Galegas 2026
Laura Moure/Melide
O Concello de Melide, a través da Concellería de Cultura, que dirixe Ana Mosteiro, e coa colaboración do Museo da Terra de Melide, organiza este sábado un roteiro guiado co que achegarse ao legado dos escritores e escritoras que naceron ou viviron en Melide a través das placas conmemorativa situadas nas casas nas que residiron.
O percorrido, ao que pode sumarse quen o desexe, dará comezo ás 19:00 horas desde a Rambla de San Pablo, 42 e estará guiado por Cristina Vázquez e Xurxo Broz, do Museo
Terra de Melide, e contará coas intervencións dos familiares das persoas homenaxeadas
e da escritora Inma López Silva.
PUBLICIDADE
Esta iniciativa dá continuidade á iniciativa posta en marcha con motivo das Letras Galegas 2026, cando o Concello de Melide homenaxeou estas figuras coa colocación de placas conmemorativas para preservar a súa memoria e poñer en valor o seu legado literario e cultural.
A proposta busca converter estes inmobles en espazos de memoria para que o legado literario e cultural que deixaron non sexa esquecido co paso do tempo e para que as
novas xeracións coñezan e valoricen a historia literaria e cultural de Melide.
As doce placas homenaxean a doce escritores e unha escritora relacionados coa creación
literaria, a investigación histórica, o ensino e a difusión da cultura popular melidense.
As placas colocadas son as seguintes:
- Eduardo Álvarez Carballido, médico-cirurxián e historiador de Melide, na Rúa do
Progreso, 9.
PUBLICIDADE
- Emilio Pereiro Quiroga, autor de poemas e contos en prosa; e Juana Teresa Juega
López, poetisa e narradora, na Rúa do Progreso, 39.
- Antonio L. Taboada Roca, farmacéutico e historiador de Melide, na Rúa do Progreso, 6.
- Manuel Taboada Roca, Conde de Borraxeiros, maxistrado e académico, na Rúa do
Progreso, 6.
- Amador Rodríguez Martínez, presbítero, galeguista e investigador do folclore e da
tradición oral da Terra de Melide. Coautor, xunto a Vicente Risco, do capítulo 6 do Terra
de Melide (Seminario de Estudos Galegos, 1933), na rúa do Convento, 7.
- Nilo Cea Rodríguez, mestre, narrador, poeta e debuxante, na Ronda da Coruña, 10.
- Rafael Taboada Vázquez, sacerdote, museólogo e escritor, na rúa San Antonio, 4.
- Jesús Mosteiro Raído, mestre e escritor, na Rambla de San Pablo, 42.
PUBLICIDADE
- Xosé Manuel Rodríguez Pampín, crego, teólogo, docente e escritor, na Ronda da
Coruña, 34.
- Antonio Hermida Rodríguez, avogado, historiador e investigador, na Rúa do Progreso,
15.
- Carlos Parrado Garea, investigador e activista cultural, na Rúa Mateo Segade Bugueiro,
33.
- Xosé Domingos Cidre Bastián Fuciños Gómez, “Mingos de Pita”, activista cultural e
investigador, na Praza do Convento, 2.
Comentarios