Medio Rural pon en valor o proxecto de Galmesán que contribúe a potenciar o sector queixeiro de Galicia

Ecos da Comarca/Arzúa

O director xeral de Gandaría, Agricultura e Industrias Agroalimentarias, José Balseiros, mantivo este luns un encontro co propietario da queixería Galmesán de Arzúa, Jose Manuel Otero, e coa xerente da empresa, Carmela Cano.

Publicidade

Preme na imaxe para obter máis información.

Durante a reunión, Balseiros puxo en valor o proxecto desenvolvido por esta empresa galega, que elabora queixos de longa maduración de forma artesanal, utilizando leite de pastoreo e fermentos naturais.

Publicidade

Preme na imaxe se queres contactar connosco.

Ademais, o director xeral subliñou que se trata dunha iniciativa especialmente valiosa para o sector agroalimentario de Galicia, xa que contribúe á innovación, promove prácticas sostibles e reforza o prestixio dos produtos de calidade propios da nosa terra.