Localizan a unha muller camiñando de noite e descalza pola autovía

Ecos da Comarca/Xeral

A Garda Civil auxiliou a unha persoa cando camiñaba desorientada pola autovía A-8 ao seu paso pola localidade lucense de Mondoñedo. Camiñaba de noite e descalza, facendo indicacións de que pararan os vehículos que discurrían pola vía. No momento da súa localización carecía de documentación coa que acreditar a súa identidade.

Foto de arquivo.

Os feitos, tal e como informa a Garda Civil, tiveron lugar durante a madrugada do pasado luns, cando tras localizar a esta persoa, constátase que non é capaz de facilitar aos axentes a súa filiación correcta dado o seu estado de saúde, ante esta tesitura é trasladada en primeira instancia ao centro hospitalario de Burela, onde permanece ingresada varias horas e, tras a realización das probas médicas pertinentes, é trasladada para o seu ingreso no HULA de Lugo.

 APOIO AO XORNALISMO PALESTINO

ECOS DA COMARCA APOIA AO XORNALISMO PALESTINO. Preme na imaxe para máis información.

Previamente ao seu traslado ao centro médico provéselle de roupa e calzado, e xestiónase o seu acondicionamento en estancias municipais situadas en Vilanova de Lourenza.

Publicidade

Preme na imaxe se queres contactar connosco.

No día de onte lógrase identificar fidedignamente a esta persoa, sendo unha veciña da comunidade de Madrid, de 55 anos de idade. As dilixencias policiais foron remitidas ao Xulgado de Instrución non 1 de Mondoñedo (Lugo).