Ferreiro e Anido, campións de Europa de Rallyes Históricos, homenaxeados en París, Galicia e Madrid

Laura Moure/Melide

O piloto Jesús Ferreiro e o seu copiloto Javi Anido veñen de pechar unhas semanas de especial recoñecemento tras proclamarse Campións de Europa de Rallyes Históricos na Categoría 3, un título que foi celebrado tanto a nivel internacional como estatal e autonómico.

O acto máis destacado tivo lugar o pasado 28 de xaneiro en París, onde se celebrou a gala oficial de entrega de trofeos do Campionato FIA Historic. A cerimonia desenvolveuse nas instalacións do Automobile Club de France, situadas na emblemática Plaza da Concordia, un escenario histórico do automobilismo internacional.

 Publicidade

Preme na imaxe para obter máis información do evento.

Os melidenses recibiron o trofeo como vencedores da súa categoría nun acto presidido por representantes da FIA, encabezados polo seu presidente, Mohammed Ahmed ben Sulayem. Na mesma gala tamén foi premiado o recoñecido piloto mundialista Jari-Matti Latvala, gañador noutra das categorías do certame, o que subliña o alto nivel deportivo do evento.

 Publicidade

Preme para obter máis información.

O éxito europeo tamén tivo eco en Galicia. O pasado 17 de xaneiro, a Federación Galega de Automobilismo rendeulles unha homenaxe durante a súa Gala de Trofeos 2025, recoñecendo a importancia dun título continental para o automobilismo galego.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Así mesmo, este pasado 14 de febreiro, a Real Federación Española de Automovilismo distinguiu a Ferreiro e Anido na Gala de Campións 2025, celebrada en Madrid, poñendo en valor un logro que sitúa o seu equipo entre os mellores de Europa na disciplina dos rallyes históricos.