Ferido tras colisionar co seu coche contra un peche dunha leira en Arzúa
Ecos da Comarca/Arzúa
Esta mañá rexistrouse un accidente de tráfico no municipio de Arzúa que se saldou cunha persoa ferida. Ocorreu minutos antes das nove da mañá no lugar de Vila de Suso, na parroquia de Dodro.
O112 Galicia foi alertado por un particular. "Indicábanos que había un accidente e que un mozo semellaba estar desorientado". Con estes datos, o 112 Galicia avisou a Urxencias Sanitarias, á Garda Civil de Tráfico, aos Bombeiros de Arzúa e a Protección Civil de Arzúa.
"Tempo despois, Protección Civil de Arzúa comunicounos que o vehículo implicado colisionara contra o peche dunha leira e que a persoa estaba desorientada polo que foi atendida na ambulancia no propio lugar e despois trasladada", sinala o 112
Comentarios