Esta semana pode doarse sangue en Rodeiro, Sobrado dos Monxes, Silleda e Arzúa

As citas serán o martes, mércores e xoves

Laura Moure

As persoas que desexen doar sangue nas catro comarcas poderán facelo esta semana nas localidades de Rodeiro, Sobrado dos Monxes, Silleda e Arzúa.

Unha unidade móbil do Centro de Transfusión de Sangue de Galicia visitará este martes, día 8, o municipio de Rodeiro. Situarase na rúa Aviador Gumersindo Areán (Rúa da piscina) en horario de 17:00 a 21:00 horas.

Tamén o martes 8, tamén haberá outra en Sobrado dos Monxes na Praza do Portal. Neste caso, será de 10:00 a14:00 e de 16:00 a 21:00 horas.

O mércores, día 9, a quenda será na Bandeira (Silleda). A unidade móbil estará xunto ao centro de saúde de 17:00 a 21:00 horas.

E o xoves, 10, estará en Arzúa no recinto feiral Terra do Queixo (entrada traseira). O horario será de 10:00 a14:00 horas e de 16:00 a 21:00.

Debido á situación de pandemia, na que necesariamente se debe gardar certas prevencións sociais encamiñadas a preservar a saúde de todos, establécese tamén a cita previa para escalonar a afluencia de doadores, evitando así esperas. A cita pode perdirse a través do teléfono gratuíto 900 100 898.

E cabe lembrar que é moi importante esta acción solidaria porque contribúe a mellorar a saúde de moitos doentes, sobre todo ante a situación actual de emerxencia sanitaria.

Unha unidade móbil.