Este ano será gratuíto ao estar financiado pola Xunta de Galicia
Laura Moure/Agolada
Está aberto o prazo para solicitar praza no Punto de Atención á Infancia (PAI) de Agolada. Os interesados terán que matricularse durante o mes de agosto.
Este ano é gratuíto porque será no curso 2022-2023 cando a Xunta de Galicia poña en
marcha a gratuidade da atención educativa para todos os nenos nas escolas infantís,
independentemente da súa titularidade.
Os interesados deben recoller a folla de solicitude no Concello de Agolada e aí tamén é
onde deben achegar toda a información que precisan para a matrícula. Así deben
adxuntar a fotocopia do libro de familia, certificado de convivencia do solicitante,
acreditación de familia numerosa (de ser o caso), certificado médico do neno (que
deberán recoller de xeito específico as enfermidades infecto-contaxiosas); copia da
tarxeta sanitaria da seguridade social ou análoga en vigor, tres fotografías do neno
tamaño carné, autorización por escrito das persoas que poderán recoller ao neno e
que se acompañarán do DNI que teña unha fotografía clara; para tratamentos
médicos, xunto a unha autorización para a súa aplicación polo persoal do centro,
acompañarán copia cotexada das receitas médicas coas especificacións indicadas polo
facultativo para a administración do mesmo (frecuencia e dose); cartilla de vacinación
actualizada; ademais indicarase de maneira concreta e por escrito as alerxias e outras
problemáticas que puideran padecer os nenos: alimentos, materias como ceras,
pinturas… e certificado do número de conta bancaria.
