En marcha os procesos para mellorar os centros sociais de Abades, Piñeiro, Lamela, Moalde e Curro

Estas actuacións de Silleda executaranse con cargo aos fondos do Plan Máis Provincia da

Deputación de Pontevedra

Laura Moure/Silleda

O Concello de Silleda vén de iniciar os procedementos administrativos para acometer diversas melloras en varios centros sociais do rural, unha liña de actuación que busca reforzar a calidade, a accesibilidade e a funcionalidade destes espazos de encontro veciñal. Neste momento atópase xa en proceso de licitación a reforma do centro social

de Abades, onde se levará a cabo a adaptación e ampliación do aseo mediante un procedemento de obra menor. Así mesmo, o Concello porá en marcha nos vindeiros días a contratación das actuacións previstas nos centros sociais de Piñeiro, con intervencións destinadas a mellorar a habitabilidade do inmoble; de Lamela, onde se reformarán tamén os baños; así como nos centros de Moalde e no situado no lugar de Curro, na parroquia de Cira.

 Publicidade

Preme na imaxe para obter máis información.

Todas estas actuacións executaranse con cargo ao Plan Máis Provincia da Deputación de Pontevedra, a través de proxectos propostos polo Concello de Silleda tendo en conta as demandas trasladadas pola veciñanza das distintas parroquias.

Publicidade

Preme para contactar con nós e pregunta polas tarifas que son unha bicoca!

A alcaldesa de Silleda, Paula Fernández, destacou que “estes centros sociais son pezas clave para manter viva a actividade comunitaria no rural, e o noso compromiso é seguir mellorándoos pouco a pouco, atendendo ás necesidades reais de cada parroquia”. A rexedora subliñou ademais que “investir nestes espazos é investir en convivencia, servizos de proximidade e calidade de vida para a veciñanza”.