Ecoloxistas en Acción esixe o fin do "greenwashing" no proxecto mineiro de Touro

Advirte de que o este "vulnera as novas Directivas de Sustentabilidade da Unión Europea"

Ecos da Comarca/Touro

Ecoloxistas en Acción que se opon firmemente ao proxecto mineiro de Touro-O Pino lanzou unha advertencia formal tanto á Xunta de Galicia como aos mercados financeiros internacionais. Os colectivos denuncian que a promotora, Atalaia Mining (a través do seu filial Cobre Santo Rafael), "pode incorrer en graves incumprimentos do novo marco normativo europeo en materia ambiental, social e de gobernanza (ESG). Atalaia Mining insiste en cualificar a explotación como "minería verde" e "sostible", termos que chocan frontalmente coas directivas aprobadas polo Parlamento Europeo", recalca o colectivo.

Choque frontal coa lexislación europea

Varios colectivos remitiron informes aos principais fondos de investimento accionistas da mineira detallando a vulneración de dúas normativas comunitarias críticas:

 PUBLICIDADE

Preme para obter máis información.

• Vulneración da Directiva (UE) 2024/825 contra o Greenwashing: Esta lei prohibe taxativamente o uso de alegacións ambientais xenéricas se a empresa non achega probas científicas concluíntes. "Chamar 'sostible' a un proxecto que ameaza con drenaxe aceda de roca e verteduras de lixiviados a ríos da conca do río Ulla é un engano masivo", declaran desde o colectivo. A directiva establece un estrito réxime sancionador que entra en vigor obrigatoriamente o 27 de setembro de 2026, con multas que poden alcanzar o 4% do volume de negocio anual da multinacional.

• Incumprimento da Directiva (UE) 2024/1760 de Debida Dilixencia (CSDDD): A normativa obriga ás empresas para identificar, mitigar e responder penal e civilmente polos impactos negativos nos dereitos humanos e a contorna das comunidades locais. Os colectivos lembran que a mina "carece por completo de "licenza social" debido ao rexeitamento unánime do tecido socioeconómico local, o sector agrario e o sector pesqueiro-marisqueiro, o que converte o investimento nun activo de altísimo risco financeiro e litixios crónicos".

"Unha temeridade financeira que pagan os accionistas"

Os colectivos contrarios á mina cualifica de "temeridade" que a empresa siga querendo adquirir  leiras e ir a expropiacións en procesos xudiciais largádevos, investindo capital sen dispoñer dunha Declaración de Impacto Ambiental (DÍA) favorable e firme. "Os investidores deben saber que Atalaia Mining está a ocultar a realidade do conflito social e técnico en Galicia. Non estamos ante un trámite burocrático; estamos ante un proxecto inviable que destruirá o sustento de miles de familias na ría e no rural galego que se leva mantendo firme na súa oposición case 9 anos", conclúen os portavoces.

 PUBLICIDADE

Preme na imaxe e contacta con nós!

Os colectivos anuncian que intensificarán os contactos coas firmas de investimento internacionais e os órganos supervisores do mercado de valores para esixir auditorías independentes sobre o cumprimento real dos criterios ESG por parte de Cobre Santo Rafael e Atalaia Mining.