Dúas persoas feridas, unha delas estaba inconsciente, nun accidente en Touro

Ecos da Comarca/Touro

Pasada media hora da medianoite deste sábado, o 112 Galicia foi alertado por un accidente de tráfico no municipio de Touro. No mesmo viuse implicado un único vehículo e saldouse con dúas persoas feridas.

O accidente desta medianoite en Touro. Autor: Bombeiros de Arzúa.

Tal e como informa o 112, tratouse dunha saíde de vía dun coche e os Bombeiros de Arzúa tiveron que empregar o seu material de excarceración para liberar a un dos implicados, que se atopaba inconsciente. Ambos foron evacuados polos servizos sanitarios.

 PUBLICIDADE

Preme para obter máis información.

Este accidente rexistrouse no quilómetro 9,500 da AC-960 no lugar da Porcariza, San Miguel de Vilar (Touro). Foi un particular quen alertou ao 112 Galicia de que había unha persoa atrapada, unha muller de 29 anos, e sinalou que o coche atopábase fóra da vía, nunha zona de silvas.

 PUBLICIDADE

Preme na imaxe para obter máis información deste evento.

"Fomos informados ás 00:36 horas por unh saída de vía cunha persoa atrapada. Tivemos que rescatar á condutora. Despois informáronos que no coche viaxaba outra persoa, pero esta puido saír polo seu propio pé. A condutora foi trasladada na UVI móbil ao CHUS", sinalan os Bombeiros de Arzúa.

Segundos outras fontes, a outra persoa que viaxaba no vehículo era un menor.

 PUBLICIDADE

Preme na imaxe e contacta con nós!

Ata o lugar desprazouse unha dotación de Urxencias Sanitarias de Galicia-061, os Bombeiros de Arzúa, a Garda Civil de Tráfico, a Agrupación de Voluntarios de Protección Civil de Touro e os servizos de mantemento da estrada.