Detido un grupo criminal en Boimorto polo roubo de cable de cobre

Ecos da Comarca/Boimorto

O Equipo ROCA da Compañía da Garda Civil de Santiago de Compostela, en colaboración coa Garda Civil do Posto de Boimorto, desarticula un grupo criminal itinerante especializado no roubo de cable de cobre e detén aos seus 7 integrantes na fase de explotación da operación Boicupru.

A mencionada operación iniciouse na madrugada do 3 de xuño deste ano, ao detectar os compoñentes do Posto de Boimorto a presenza de varios individuos con actitude sospeitosa merodeando polo centro urbano desa localidade, observando ás poucas horas cortes masivos no tendido telefónico en zonas rurais dese municipio.

As primeiras actuacións revelaron que os homes identificados en Boimorto formaban parte dun grupo criminal itinerante, o cal utilizaba vehículos de alugueiro ou a nome de terceiros para o seu desprazamento polas diferentes provincias, tratando con iso de entorpecer o labor investigador dos corpos de seguridade, pescudando que o grupo xa abandonara Galicia.

Poucos días despois, a Garda Civil detecta novamente a presenza destas persoas na zona de Boimorto, polo que se establece un dispositivo de vixilancia sobre eles composto por efectivos do Equipo ROCA e do Posto de Boimorto, tendo que eludir as fortes medidas de seguridade adoptadas polo grupo, contravigilancias, paradas prolongadas, contramarchas, manobras evasivas en rotondas, etc.

Publicidade

Preme na imaxe se queres contactar connosco.

No transcurso dese operativo os gardas civís actuantes, ante a sospeita de que perpetraran o roubo de cable, procederon á interceptación da furgoneta utilizada polo grupo, achando no seu interior gran cantidade de cable de cobre xa pelado oculto baixo mantas e plásticos. Ante este achado, os gardas civís detiveron aos dous ocupantes da furgoneta como presuntos autores dun delito de roubo, outro de pertenza a grupo criminal e á incautación do vehículo e os efectos atopados. Tras a detención do primeiro vehículo, a outra furgoneta que se atopaba nas inmediacións, emprendeu a fuga a gran velocidade, iniciando, a Garda Civil o seu seguimento por estradas secundarias ata a estrada N-634 no termo municipal de Teixeiro, onde foi interceptada no dispositivo establecido nas inmediacións do acceso á autovía A-6, vía pola que tiñan previsto abandonar Galicia.

Unha vez interceptada, a Garda Civil procedeu á detención dos 5 ocupantes como presuntos autores dun delito de roubo, outro de pertenza a grupo criminal e á incautación do vehículo utilizado e as ferramentas e útiles atopados no seu interior.