Cuiña reunirase ca xefa territorial de transportes pola problemática da liña de bus Santiago-Ourense
O alcalde de Silleda trasladaralle as numerosas incidencias manifestadas pola veciñanza e persoas usuarias xa que esta é a máis utilizada polos veciños e veciñas deste municipio
Laura Moure/Silleda
O alcalde de Silleda, Manuel Cuiña Fernández, manterá o vindeiro día 19 un encontro ca Xefa Territorial de Mobilidade da Coruña, Judit Fontela Baró, para abordar os distintos
problemas detectados ca liña de autobús entre Santiago e Ourense que realiza a empresa Monbús.
Publicidade
Tal e como xa informara no pleno ordinario do pasado día 28, dende a Alcaldía estábase á espera de fixar a data para o encontro solicitado, .
Publicidade
O alcalde trasladará así mesmo as 154 sinaturas presentadas no Concello de Silleda apoiando o escrito de queixa por retrasos nos horarios, solapamento de liñas nalgún caso ou situacións nas que o autobús non parou nas distintas paradas establecidas. “Nada máis ter coñecemento da situación, o goberno municipal solicitamos unha xuntanza ca delegación de Mobilidade en Pontevedra, se ben por tratarse da liña Santiago-Ourense, os responsables autonómicos nos remitiron á xefatura da Coruña”, indica Cuiña, que avanza que se dará traslado tamén ás persoas promotoras da recollida de sinaturas do contido da reunión do vindeiro día 19.
Comentarios