Cruces acolle dous obradoiros para maiores de 50 anos, sobre a aplicación do Sergas e a banca online

Laura Moure
hace 11 minutos
2 Min. de lectura

A inscrición da iniciativa, que forma parte do programa “+Reto Dixital 2025” da Deputación de Pontevedra, estará aberta ata o 10 de decembro

Laura Moure/Vila de Cruces

O Concello de Vila de Cruces acolle a celebración de dous ‘Obradoiros + Reto Dixital’, destinados a persoas maiores de 50 anos e organizados pola Deputación de Pontevedra. Os talleres celebraranse os días 15, 16, 18 e 19 de decembro no Auditorio Municipal Xosé Casal. O obxecto da iniciativa é ofrecer formación dixital ás persoas maiores de 50 anos de Cruces para facilitarlles o acceso aos servizos da Administración electrónica e dotalas

dunha maior autonomía na xestión de trámites cotiás, e así mellorar a súa calidade de

vida a través da adquisición de habilidades dixitais.

O auditorio acollerá o luns 15 e o martes 16, de 10:00 a 12:30 horas, o obradoiro ‘Sergas, a súa aplicación electrónica e TELEA’ no que se informará sobre a petición de citas, como mirar as historias clínicas, o plan de dispensación, informes ou o TELEA. O xoves 18 e o

venres 19 terá lugar, de 10:00 a 12:30 horas, o taller sobre o uso da banca móbil e as

compras electrónicas, con información sobre a instalación de apps de banca, as vantaxes

sobre o seu uso, a navegación básica das apps, como se realizan transferencias e como

se poden facer diversas consultas.

O programa “+Reto Dixital 2025” da Deputación de Pontevedra está dirixido aos 34 concellos de reto demográfico que non participaran no proxecto “Hub contra a fenda dixital e a soidade non desexada” durante 2024.

Publicidade

Preme na imaxe para obter máis información.

Cada taller terá unha duración de cinco horas e incluirá un módulo inicial sobre seguridade no uso de medios electrónicos e de internet. Poderán participar en cada

Obradoiro entre oito e quince persoas e estarán impartidos por unha empresa

especializada.