O campamento de verán do Servizo Lúdico de Silleda volta con récord histórico de participación

Este ano amplíase unha hora máis o servizo, asumindo o custe integramente o Concello

Laura Moure/Silleda

O campamento de verán do Servizo Lúdico Educativo do Concello de Silleda arranca hoxe con récord histórico de participación. Ata o vindeiro mes de setembro, e tendo en conta todas as quendas de mañá e de tarde, serán centos as  prazas as que se cubran, facilitando a conciliación familiar.

Como vén sendo habitual, o servizo prestarase nas vilas de Silleda e da Bandeira, tendo as actividades os seus centros de referencia nos dous colexios públicos do municipio.

Preme na imaxe para obter máis información do evento.

En total hai rexistradas 145 peticións, todas elas admitidas para participar no campamento de verán, con actividades diversas para os nenos e nenas participantes, de 3 a 12 anos de idade. Na localidade de Bandeira só hai solicitudes para os meses de xullo e agosto, superando as cifras de participación doutros anos.

Preme na imaxe se queres contactar connosco.

Así mesmo, dende o departamento municipal de Educación lémbrase que este ano se amplia o horario do servizo nunha hora, para facilitar a recollida das crianzas á entrada e saída polas mañás por parte das familias. Así polas mañás poderase entrar ás 8:30 e saír ás 14:30 horas Unha ampliación horaria que asume na súa totalidade o Concello de Silleda sen repercutir nas taxas das persoas usuarias. Polas tardes o horario será de 16:00 a 20:00 horas.