Controlado despois de dous días o incendio de Palas de Rei

Ecos da Comarca/Palas de Rei

A Consellería de Medio Rural informa que está controlado, dende 13:49 horas deste martes, o incendio forestal que afectaba varios lugares do municipio de Palas de Rei. Este iniciouse o domingo pasados uns minutos da unha do mediodía.

Foto arquivo. Autor: Ecos da Comarca.

Nos traballos de extinción traballaron, segundo a información que indica Medio Rural, 1 técnico, 18 axentes, 21 brigadas, 19 motobombas, catro avións e tres helicópteros. As hectáreas provisionais afectadas son 375.

Preme na imaxe se quere contactar connosco.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.

NOTICIAS RELACIONADAS:

• https://www.ecosdacomarca.com/post/un-lume-forestal-afecta-%C3%A1-zona-das-torrentes-de-m%C3%A1cara-en-palas-de-rei

• https://www.ecosdacomarca.com/post/o-incendio-que-afecta-%C3%A1-parroquia-palense-de-ramil-xa-arrasou-unhas-20-hect%C3%A1reas

• https://www.ecosdacomarca.com/post/xa-son-275-hectáreas-arrasadas-no-incendio-decretado-este-domingo-en-palas-de-rei

• https://www.ecosdacomarca.com/post/solicitada-a-desactivaci%C3%B3n-da-situaci%C3%B3n-2-no-incendio-forestal-rexistrado-na-parroquia-de-ramil