Completada a primeira fase da mudanza ao novo consistorio de Silleda
- Laura Moure
- 28 nov 2023
- 1 Min. de lectura
Laura Moure/Silleda
Este luns pola mañá comezou a mudanza á nova Casa Consistorial de Silleda. Nesta primeira fase, as dependencias que se trasladaron foron as que estaban nos edificios de rúa Trasdeza (Rexistro Xeral, Padrón, Alcaldía, Secretaría, Intervención e as concellerías).
Tamén se trasladaron xa as dependencias municipais que ata agora estaban situadas na rúa Alfonso Trabazo: Urbanismo, Policía Local, AEDL, Punto de Información Catastral e Servizo Municipal de Augas).
Publicidade
Todos estos servizos estarán xa abertos ao público dende hoxe no novo Consistorio, na céntrica rúa do Progreso, tamén con acceso dende a rúa Morón, onde se centralizarán todos os servizos.
Publicidade
Nos próximos días, tense previsto que se inicie unha segunda fase desta mudanza, na que se inclúen as dependencias de Servizos sociais e o Xulgado de Paz. Mentres tanto, seguirán operativas e traballando dende os seus lugares habituais.
“Con este traslado mellorará a atención ao público”, indica o alcalde, Manuel Cuiña, que hoxe supervisou o traslado das dependencias ao novo edificio.
コメント