Cinco persoas feridas nunha saída de vía no concello de Arzúa

Ecos da Comarca/Arzúa

Onte, sábado pola noite, produciuse un accidente de tráfico no municipio de Arzúa. O 112 Galicia foi alertado ás 20:44 horas. No sinistro viuse implicado un único vehículo e saldouse con cinco persoas feridas.

O coche saíuse da vía en Ponte Lema. Autor: Bombeiros de Arzúa.

Tal e como informan os Bombeiros do Parque Provincial de Arzúa tratouse dunha saída de vía pola marxe dereita dirección á localidade de Arzúa.

 Publicidade

Preme para obter máis información.

Ocorreu na estrada DP-7901 en Ponte Lema. "Cinco persoas resultaron feridas, tres leves e dúas tiveron que ser trasladadas. Non fixo falta excarceradas, pero si tivemos que rescatalas", informan os Bombeiros.

 PUBLICIDADE

Preme na imaxe para contactar con nós!

Ademais dos bombeiros, ata o lugar desprazáronse dúas ambulancias e a Garda Civil de Tráfico.