A inscrición para o Campus de Verán segue aberta
Laura Moure/Lalín
Na pasada fin de semana, o Club Escola Atletismo Deza participou no Campionato Provincial Sub 14. Clasificáronse un total de oito deportistas de Deza e acadaron catro medallas.
Beltrán Rivas proclamouse campión en 80 metros balados e conseguiu o bronce en salto de lonxitude.
Valeria Pájaro fíxose coa prata en lanzamento de peso e Carmen Vázquez acadou a terceira posición na mesma proba.
Ademais destes deportistas, participaron Alan Fernández, León Feijóo, Celia Vázquez, Xabier Salgueiro e María Campos.
Campus
Dende o Club lembran que a inscrición para o Campus de Verán segue aberta. Poden realizala a través do correo atletismo.deza@gmail.com ou no teléfono 623 189 677 (Nacho) ou a través das redes sociais do Club.
O Campus terá lugar entre o 26 de xuño e o 28 de xullo e pódese reservar por semanas. Ten un custo de 40 €/Semana para os non socios e de 35 para os socios. No caso de reservar unha única semana o prezo incrementarase cinco euros.
Comments