Carla Gómez e Marta Burgos son as gañadoras do II Concurso de Repertorio Orquestral

Celebrouse esta fin de semana no marco do Galicia Clarinet Fest que ten lugar en Lalín

Laura Moure/Lalín

Carla Gómez (A Coruña) e Marta Burgos (Málaga) son as gañadoras do II Concurso de

Repertorio Orquestral que se celebrou esta fin de semana no marco do Galicia Clarinet Fest que ten lugar estes días en Lalín. O xurado estivo composto por Juan Ferrer Cerveró (Clarinete Principal da OSG), Vitor Matos (Universidade do Minho), Arno Piters (Royal Concertgebow), Tibor Reman (Staatcapelle Berlin), José Luis Estellés (Musikene), e Emilio Alonso Espasandín (Orchestre National de Cannes).

Valorou, en ambas intérpretes, o perfil profesional que máis de adaptase a cada unha das

formacións, dado que van cubrir un programa como músicos activos en dúas grandes

orquestras sinfónicas, Marta Burgos na Real Filharmonía de Galicia, e Carla Gómez na

Orquesta Nacional de Cannes.

Publicidade

Preme na imaxe para contactar con nós.

O programa do festival continúa hoxe, luns, ás 19.30 horas co Recital de piano a cargo de Vitor Matos (clarinete) e Isolda Crespi (piano). Ás 21:00 horas será o turno de Cat Klezmer Trío.

O martes estarán ás 19:30 horas Arno Piters, Tibor Reman e Lorenzo Coppola como

clarinetistas, e Cristina Esclápez ao piano. Ás 21 horas o fado chegará a Lalín co Trío de fado Choro Lusitano.