Camminautismo recorre a etapa Melide-Arzúa do Camiño de Santiago acompañado pola Garda Civil

Este colectivo italiano está formado por mozos e mozas con trastorno do espectro autista

Laura Moure/Melide/C.Arzúa

O colectivo italiano Camminautismo, formado por mozos e mozas con trastorno do espectro autista (TEA), iniciou onte o seu percorrido pola provincia da Coruña no marco dunha nova edición do Camiño de Santiago, un ano máis acompañados pola Garda Civil.

A primeira etapa pola provincia foi a que une Melide con Arzúa. Durante o percorrido, os participantes estiveron acompañados por efectivos de Seguridade Cidadá, persoal da Oficina Móbil de Atención ao Peregrino (OMAP) e integrantes da Escuadra de Cabalería da Garda Civil.

 PUBLICIDADE

Preme na imaxe para obter máis información deste evento.

Esta iniciativa permite aos integrantes de Camminautismo vivir a experiencia do Camiño de Santiago contando cun dispositivo de acompañamento e apoio ao longo das distintas etapas.

O itinerario continuará hoxe, venres, coa etapa entre Arzúa e O Pedrouzo, mentres que o sábado completarán o percorrido coa última xornada, entre O Pedrouzo e Santiago de Compostela.

 PUBLICIDADE

Preme na imaxe para contactar connosco.

Deste xeito, Camminautismo volverá cumprir o seu obxectivo de chegar a Compostela tras percorrer a pé diferentes tramos do Camiño, nunha experiencia que combina deporte, convivencia e inclusión.