Atopan con vida ao octoxenario desaparecido en Santiago de Compostela

Ecos da Comarca/Xeral

Foto de arquivo.

Os servizos de emerxencias deron co octoxenario que desaparecera o pasado xoves cando non voltara á súa vivenda situada na parroquia de Laraño, en Santiago. O 112 Galicia tivo coñecemento da aparición do home ás 18:30 horas da tarde, e segundo a información recibida, foi achado nunha zona próxima á súa vivenda, nunha pista que derivaba ao monte, a uns 150 metros da autovía.

Publicidade

Preme na imaxe para obter máis información.

Para prestarlle asistencia sanitaria ao home, desde o 112 Galicia solicitouse a intervención do persoal do Servizo de Urxencias Sanitarias de Galicia-061, xa que aínda que estaba consciente, o octoxenario atopábase moi débil.

Cabe destacar, que o 112 Galicia foi coñecedor da desaparición do mesmo o pasado xoves ás 21:45 horas. Así, formouse un operativo de busca no que participaban a Garda Civil, a Policía Nacional e Local, os efectivos de Protección Civil, a Unidade Canina do GES de Brión e os cans de rescate e salvamento de Galicia (CASAGA).

Publicidade

Preme na imaxe se queres contactar connosco.

A maiores, desde esta mañá, unha dotación do Grupo de Apoio Loxístico da AXEGA especializado no manexo de drons, tamén colaboraba cos axentes na busca.

NOTICIA RELACIONADA:

• Buscan a Jesús Rodríguez Domínguez, desaparecido en Laraño, Santiago de Compostela: https://www.ecosdacomarca.com/post/buscan-a-jes%C3%BAs-rodr%C3%ADguez-dom%C3%ADnguez-desaparecido-en-lara%C3%B1o-santiago-de-compostela