Asetem e o Concello de Melide animan o Samaín no comercio local con lambetadas e sorteos
A campaña desenvolverase do 30 de outubro ao 1 de novembro
Laura Moure/Melide
O comercio local da Terra de Melide prepárase para celebrar o Samaín cunha nova iniciativa de dinamización impulsada por Asetem, Asociación de Empresarios da Terra de Melide, en colaboración co Concello de Melide, baixo o lema «O Samaín no comercio local». A campaña combinará o reparto de lambetadas para os máis pequenos nos establecementos asociados, sorteo de vales de compra e unha proposta participativa nas redes sociais para animar as familias asociadas ás ANPA O Forte (do Nº1) e Martagona.
A actividade desenvolverase os días 30 e 31 de outubro e 1 de novembro. Na tarde do venres 30, os nenos e nenas poderán acudir disfrazados aos comercios adheridos a Asetem para recibir lambetadas. Os establecementos participantes estarán identificados con globos negros, facilitando así que a clientela poida recoñecelos.
PUBLICIDADE
A campaña tamén busca incentivar as compras nos establecementos asociados durante esta fin de semana, polo que as persoas que merquen nos establecementos asociados
poderán participar no sorteo de 4 vales de 50 euros. Para entrar no sorteo será preciso
subir unha foto do tícket á App de Asetem.
PUBLICIDADE
A maiores, as persoas socias das ANPA poderán subir ás redes sociais unha foto con temática do Samaín, etiquetar a Asetem e entrar nun sorteo de 150 euros.
Os sorteos realizaranse o martes 3 de novembro.
Comentarios