As Anpas dos centros educativos de Vila de Cruces convocan unha manifestación para o 6 de maio

Reivindican distintas melloras para conseguir unhas "aulas dignas e unha ensinanza de calidade"

Laura Moure/Vila de Cruces

As ANPAS do CEIP Nosa Señora da Piedade, do CEIP Cerdeiriñas de Piloño e do IES Marco do Camballón de Vila de Cruces convocan unha manifestación o vindeiro 6 de maio ás 19:00 horas, cun percorrido que partirá do IES Marco do Camballón e rematará na Praza do Concello. A mobilización faise baixo o lema de reclamar “aulas dignas e unha ensinanza de calidade”.

Os colectivos organizadores queren visibilizar as carencias que afectan aos centros educativos do municipio e trasladar á administración unha serie de demandas urxentes:

Demandas ANPA CEIP Nosa Señora da Piedade:

• Unificación do centro.

• Ampliación das instalacións para garantir espazos seguros, funcionais e adaptados ás necesidades educativas.

• Mellora das ratios alumnado-profesorado para elevar a calidade do ensino.

 PUBLICIDADE

Se queres obter máis información do evento preme na imaxe.

Demandas ANPA Paxariñas do CEIP Cerdeiriñas de Piloño:

• Mellora das infraestruturas.

• Cobertura inmediata das baixas do profesorado.

  
  

Demandas ANPA IES Marco do Camballón:

• Revisión do horario lectivo.

• Incremento e estabilidade do profesorado.

• Mellora dos cargos directivos.

• Reforzo das titorías.

• Maior atención á diversidade.

• Melloras nas infraestruturas.

 PUBLICIDADE

Preme para obter máis información.

• Redución das ratios alumnado-profesorado.

• Avance na especialización docente.

• Regulación e mellora das condicións do profesorado substituto.

As ANPAS fan un chamamento á participación de toda a comunidade educativa e da veciñanza para “defender un ensino público de calidade e con recursos suficientes”.