Arde un coche no concello do Pino

Ecos da Comarca/O Pino

Un coche que circulaba pola A-54 comezou a arder este mércores á altura do concello do Pino. O suceso ocorreu sobre ás 19:00 horas.

O lugar dos feitos. Autor: A.C.

"Tivemos constancia do ocorrido polo propio condutor do vehículo que nos solicitaba axuda para extinguir o lume", informa o 112 Galicia.

Preme na imaxe se queres obter máis información deste evento.

"Ocorreu no quilómetro 81 dirección Arzúa, pero o coche xa estaba fóra da autovía e estaba nunha das rotondas de saída á altura de Arca", explica o 112.

O 112 Galicia mobilizou aos Bombeiros de Arzúa e ao Servizo de Mantemento de Estradas.