Amigas da Terra e Ecoloxistas en Acción rexeitan os proxectos mineiros estratéxicos aprobados pola UE
O proxecto de minería de Cobre San Rafael S.L na Coruña e a mina de wolframio de Abenójar en Ciudad Real foron seleccionados nesta segunda rolda pola Comisión Europea, nun proceso rodeado de novo pola opacidade e a falta de participación pública
Ecos da Comarca/Touro
A Comisión Europea publicou onte a segunda lista de “proxectos estratéxicos” baixo o Regulamento de Materias Primas Fundamentais. En España seleccionase o proxecto de reapertura e expansión da mina de cobre de Touro-O Pino, promovido por Cobre San Rafael, filial da multinacional Atalaia Mining e situado a poucos quilómetros de Santiago de Compostela. Así mesmo, incluíu na lista a planta de procesamiento do proxecto de mina de wolframio do Moto, en Ciudad Real, que xa recibiu o status de estratéxico na anterior selección. Amigas da Terra e Ecoloxistas en Acción denuncian que, unha vez máis, a Comisión Europea, con apoio do Gobierno de España, seleccionanse proxectos cun amplo historial de irregularidades e malas prácticas ambientais e sociais. "No caso da mina de cobre Touro-O Pino, trátase da reapertura dunha mina que foi abandonada en 1987 sen restaurar o terreo e que leva décadas contaminando a conca fluvial del Río Ulla e causando danos na saúde da poboación", lamentan.
Plataformas veciñais denuncian ademais que os intentos de reabrir a mina causaron "desde 2017 numerosos impactos, tales como contaminación do aire, o chan e a auga con metais pesados, a contaminación continua do Río Ulla e danos a tramos históricos do Camino de Santiago. Tras a alegación destes impactos por parte da sociedade civil, en 2021 a Xunta denegou o permiso para a reapertura outorgando unha DÍA negativa", tras o cal a empresa presentou en 2024 un segundo proxecto que, segundo as plataformas veciñais, non despexa os interrogantes do anterior.
“De novo, os gobernos están a pisar os dereitos das poboacións e os ecosistemas priorizando proxectos mineiros con alto impacto ambiental e escaso valor social” lamentou Adriana Espinosa, responsable de recursos naturais de Amigas da Terra. “Xa nin sequera intentan ocultar que o principal destino destes metais é o rearmamento europeo”, denuncia a portavoz, que destaca que cobre e wolframio son dous metais considerados de criticidad alta para a industria militar.
PUBLICIDADE
As entidades denuncian que, tal e como ocurriu na primeira ronda en 2025, o proceso de selección estivo rodeado de opacidade e falta de participación por parte do Gobierno de España e a Comisión Europea. "Esta falta de transparencia guinda incerteza sobre os criterios aplicados para outorgar a determinados proxectos unha cualificación que lles outorgará privilexios económicos e administrativos, tales como a tramitación acelerada de concesión de autorizacións".
“A pesar das advertencias reiteradas, atribuíuse a consideración de estratéxicos a proxectos cuxos prexuízos previos e potenciais son evidentes, e mesmo foron obxecto de sancións e procesos xudiciais”, explica Isabel García, responsable da área de minería de Ecoloxistas en Acción. As organizacións lamentan ademais que o Goberno non utilizase a súa capacidade de veto para excluír proxectos que nunca terían que estar sobre a mesa con eses antecedentes.
Estes dous proxectos súmanse aos seis proxectos mineiros seleccionados pola Comisión Europea en 2025, o que afonda na condición da Península Ibérica como “zona de sacrificio” na cadea de minerais dentro da Unión Europea.
Tramitación exprés e riscos para a biodiversidade
Salientan que a tramitación acelerada de permisos que a lexislación outorga aos “proxectos estratéxicos” impide unha participación efectiva das poboacións locais. Estes proxectos tamén terán un status prioritario en procesos administrativos e xudiciais e recibirán axuda da Comisión Europea para obter financiamento.
PUBLICIDADE
"Outro aspecto moi preocupante é que os proxectos seleccionados poderán considerarse “de interese público superior”, debilitando a aplicación de normas ambientais como os Directiva Hábitats, a Directiva Marco da auga ou a de Aves. Hai que ter en conta que unha parte principal dos xacementos dos chamados “minerais críticos” atópanse moi preto ou dentro de zonas de protección especial como a Rede Natura 2000".
Amigas da Terra e Ecoloxistas en Acción demandan, con carácter inmediato, unha revisión dos proxectos estratéxicos seleccionados de forma que se garanta que non recibe esta cualificación ningún proxecto con malas prácticas ambientais e sociais, nin proxectos situados en espazos naturais protexidos, así como noutros espazos que gocen dunha protección incompatible coas actividades extractivas. Así mesmo, recalcan que é imprescindible un xiro de 180° nas políticas sobre materias primas minerais de forma que se priorice a redución da demanda e a reciclaxe de metais, e que se poña no centro da toma de decisións o benestar da poboación e a natureza.
NOTICIA RELACIONADA:
A UE inclúe a mina de Touro entre os novos proxectos estratéxicos de materias primas críticas: https://www.ecosdacomarca.com/post/a-ue-incl%C3%BAe-a-mina-de-touro-entre-os-novos-proxectos-estrat%C3%A9xicos-de-materias-primas-cr%C3%ADticas
Comentarios