Alumnado do CEIP Cerdeiriñas de Piloño, en Vila de Cruces, visitan a Fundación Paco Lareo

Laura Moure/Vila de Cruces

A Fundación Paco Lareo (A Solaina de Piloño) recibiu o pasado venres a visita dun grupo de escolares do CEIP Plurilingüe de Cerdeiriñas da parroquia cruceña de Piloño. Os rapaces, desde Infantil ata 6º de Primaria, percorreron A Solaina de Piloño, tanto o exterior como as diferentes salas expositivas, durante toda a mañá.

Publicidade

Preme na imaxe se queres saber máis desta empresa.

A presidenta, Carmen Lareo, irmá do pintor Paco Lareo, dirixiu a visita acompañada por docentes do centro. Os máis pequenos descubriron mediante xogos a figura do pintor, ademais de aproximarse ao mundo da arte debuxando as súas propias creacións artísticas, cun debuxo que optará ao concurso de carteis do ‘Certame Literario Paco Lareo A Solaina de Piloño’, destinado a promover a creación literaria entre o alumnado de Primaria e Secundaria. A xornada finalizou cun tempo de xogo no espazo verde da fundación.

Publicidade

Preme na imaxe se quere contactar connosco.

A Solaina de Piloño está situada nunha antiga casona restaurada nesta parroquia. O

espazo foi creado por un dos artistas máis significativos da comarca de Deza, o pintor,

escultor e escritor Francisco Lareo Morao, coñecido como ‘Paco Lareo’, co obxecto de

impulsar un importante proxecto de dinamización sociocultural. Neste espazo, pódese admirar unha importante colección de obras de varios autores de renome da comarca

como Laxeiro, Colmeiro ou Sucasas, mesturadas con outras creacións de autores

estranxeiros. Ademais, o museo acostuma albergar xornadas de reflexión e divulgación

cultural con artistas chegados desde diferentes puntos do mundo.