Incluirá tres ponencias, unha comida e a entrega duns obsequios aos nenos gañadores do IV concurso de debuxo organizado por este colectivo
Laura Moure/Agolada
Rafael Méndez de Agolada Rural estivo traballando nos últimos meses para organizar ás VI Xornadas Gandeiras. Terán lugar o 25 de novembro no Auditorio Municipal Manuel Costa Casares de Agolada.
Salvo cambios de última hora impartiranse as seguintes ponencias:
Xestións de xurro a cargo de Carlos Ledo de Unións Agrarias.
Autoconsumo fotovoltaico e tarifas eléctricas impartida por Carlos García Pérez ingeniero industrial; Mariano Manteiga, axente enerxético e Javier Fernández de Sociere Renting.
PAC 2023/2027 (como se está cocendo) por Carme Aira e Xosé Luis Rivas MINI ambos deputados de BNG
Ademais, haberá unha comida. "Por motivos de organización, os primeiros 40 asistentes teñen un desconto de 10 euros cada un no xantar que como sempre será no Restaurante Parrillada Golada", sinala Rafael Méndez. Así mesmo, sinala que se fará entrega duns pequenos obsequios aos nenos gañadores do IV concurso de debuxo Agolada Rural. Os gañadores foron Alejandro Rivadulla, de quinto, o seu irmán Álvaro, de cuarto, e fíxose co terceiro premio Gabriel, de sexto de Infantil.
