Perruquería Marisa.png

ESPAZO DISPOÑIBLE PARA ANUNCIARSE

Pladur Touro.png

ESPAZO DISPOÑIBLE PARA ANUNCIARSE

Agolada inaugura a súa 24ª edición da Mostra de Artesanía

Participan 40 artesáns e durante dous días hai unha programación variada


Laura Moure/IsmaelRS/Agolada

Uns 40 artesáns danse cita na XIV Mostra de Artesanía de Agolada, que arrancou hoxe. Pasadas as 11:00 horas foi inaugurada a mostra cos discursos do deputado Manuel González e do alcalde, Luis Calvo. Estiveron presentes ademais o tenente de alcalde de Agolada, Óscar Val, os concelleiros de equipo de goberno Pedro García, Concepción Carballal, Marcos Galego e Manuel Hilario García; o alcalde de Silleda, Manuel Cuíña; a concelleira de Vila de Cruces Mireya Otero, o mandatario de Santiso, Manuel Adán, e o rexedor e a tenente de alcalde Oleiros, Ángel García e María José Varela.

As autoridades fixeron un percorrido pola mostra.

“A Deputación sempre está ao carón dos municipios pequenos, dos municipios do rural que as veces son os que están máis esquecidos”, apuntou o deputado Manuel González, quen indicou que “imos manter o compromiso con esta comarca en toda a lexislatura porque é a nosa forma de facer política e de ver como axudar a estes municipios”. “Esta feira de artesanía, que xa celebra a súa 24 edición, móstranos un pouco o que é un concello coma o de Agolada”, engadiu.


González aproveitou para contar unha anécdota: Foi a unha voda de mexicanos pola zona de Beariz, Avión (Ourense) e para a súa sorpresa falaban galego. “Falando con eles dixéronme: Mira rapaz, dicíame miña nai que o angazo nunca se pode esquecer”. O deputado quedou sorprendido, pero tamén feliz. “Feliz de ver que a xente emigra, como foi o teu caso, Luis (referíndose ao alcalde agoladés), pero volve á terra e mantén as súas tradicións. Facedes un concello máis moderno, pero respectando as raíces e esa é a forma de facer política. Felicitarvos porque entendedes moi ben esta fórmula que é como se chega á xente. Luis moito parabéns e tamén para o teu equipo de goberno polo traballo que estades facendo e ca Deputación ides contar sempre”.


De seguido, o mandatario agoladés deu o seu discurso: “Para nós é un gran pracer acoller esta celebración tan importante para o noso pobo. Son 40 os artesáns que estarán estes dous días connosco. Persoas que chegan dende distintos puntos da nosa xeografía e que fan verdadeiras marabillas coas súas mans. Moitas gracias para todos os que repetides ano tras anos e benvidos aos novos, que agardamos que xa marquedes esta data no voso calendario!”, indicou o rexedor agoladés.

A Casa Museo acolle a exposición de José Ángel Ayude.

“En Agolada non nos cansamos de presumir do noso fermoso enclave de Os Pendellos,

que está cargado de historia, e que entre todos debemos coidar e seguir loitando por

eles. E gracias a eventos coma estes podemos volver ao pasado e lembrar as nosas

feiras de antano, xa que cabe mencionar que a feira do doce de Agolada era unhas das

máis importantes da contorna”.


Sen máis, aproveitou para agradecer a todas as persoas e aos traballadores do Concello que axudaron a organizar este evento “porque facedes un papel fundamental. Gracias aos membros de Protección Civil, a Policía Local e á Garda Civil pola voso apoio”. E tamén agradeceu toda a axuda e colaboración da Deputación de Pontevedra e as palabras do deputado. “Convidamos a todos a desfrutar da variada programación destes dous días e por suposto, a que sigan visitando o noso pobo, porque temos fermosísimos atractivos turísticos”, recalcou Calvo.


Por último, todas as autoridades estiveron facendo un percorrido polos postos de artesanía, así como visitaron á exposición de pintura e de debuxo do artista de Berredo

José Ángel Ayude na Casa Museo; estiveron cos escritores Francisco Javier Aboy e

Pablo Otero que ambos días están na Sala 2 dos Pendellos dando a coñecer as súas

obras e tamén se pasaron polo showcooking a cargo dos chefs Álex Iglesias e Iván Méndez. Calvo tamén aproveitou para ensinarlle ao deputado un dos Pendellos que

necesita dun arranxo urxente.


Pola tarde, tivo lugar o espectáculo de Al y Tana e o concerto de Bico da Balouta e a Coral Polifónica de Agolada.


O espectáculo de Al y Tana.

Autor: Ecos da Comarca.

81 vistas0 comentarios
IRS.jpg

ESPAZO DISPOÑIBLE PARA ANUNCIARSE