Aberto o prazo para participar no clube de lectura feminista “Máis Violeta” de Silleda

A nova edición retómase o venres día 26 de setembro na Biblioteca Municipal Daniel Castelao

Ecos da Comarca/Silleda

O venres 26 de setembro na Biblioteca Municipal Daniel Castelao de Silleda vai ter lugar o inicio dunha nova edición de “Máis Violeta”, o clube de lectura feminista promovido pola Concellería de Igualdade de Silleda, que dirixe Ángela Troitiño. Nel, mulleres participantes

terán unha cita cada quince días para debatir sobre o libro mensual asignado, o cal será prestado pola Sección de Xénero do CIM de Silleda, dependente da Concellería de Igualdade.

Publicidade

Preme na imaxe para obter máis información do evento.

Os títulos propostos abordarán diferentes temáticas, sempre co obxectivo de crear debate e pensamento crítico. “Máis Violeta” é un espazo común no que compartir experiencias persoais e contidos que permitan cambiar o mundo, constituíndose así unha comunidade

baseada na sororidade e no feminismo.

Publicidade

Preme na imaxe se queres contactar connosco.

O prazo de inscrición está xa aberto ata o vindeiro día 20. Pode facerse presencialmente no último andar da Casa do Concello, chamando ao 986 592 037 ou no correo electrónico cim@silleda.es