top of page

Aberta a convocatoria de axudas a deportistas federados/as do Concello de Silleda

Aberto tamén para solicitar as axudas a estudantes universitarios e de ciclos e de material escolar


Laura Moure/Silleda

O Boletín Oficial da Provincia de Pontevedra vén de publicar a convocatoria das Subvencións a Deportistas Individuais Federados/as do Concello de Silleda para a tempada 2023/2024. As axudas están destinadas á práctica deportiva de xeito individual ou por parellas, cunha dotación económica de 3.000 euros.


Poderán optar deportistas federados/as que estean empadroadas no concello de Silleda

con anterioridade á aprobación das bases, que conten ca licencia vixente expedida pola correspondente federación e que participen en competicións oficiais a nivel autonómico e nacional. As bases foron publicadas no BOP do 12 de abril.

As persoas aspirantes deberán de presentar entre outra documentación un proxecto deportivo para a vindeira tempada, no anexo que acompaña ás bases, publicadas no BOP o pasado. Os criterios para a concesión rexeranse polos certificados da correspondente federación, valorando o nivel de competición, historial deportivo, convocatorias con seleccións, categoría dos deportistas (primando as previas á absoluta) e puntuarán tamén as licenzas femininas e de deporte adaptado.


Publicidade

Máximo de 1.000 euros

O importe máximo por cada axuda será de 1.000 euros. Serán gastos subvencionables a adquisición de material deportivo, gastos de desprazamento para participar en competicións, pago de adestradores… e os relacionados ca práctica deportiva.A comisión de valoración das axudas elaborará un informe por cada unha das solicitudes presentadas, elevando as propostas á Xunta de Goberno Local. O prazo para solicitar estas axudas remata o vindeiro día 30 de setembro.


“Con estas bases, que se elaboran por segunda vez no Concello de Silleda, buscamos apoiar ás persoas deportistas que a nivel individual están competindo en circuítos oficiais a nivel tanto galego coma nacional”, indica o alcalde, Manuel Cuiña. Toda a información e formularios están na web municipal.


Por outra banda, o Boletín Oficial da Provincia (BOP) de Pontevedra vén tamén de publicar a convocatoria das becas municipais para estudantes universitarios e de ciclos de formación profesional durante este curso, así como as bases das axudas complementarias para material escolar de familias que precisan dunha especial protección.


Publicidade

No caso das axudas a estudantes universitarios e de ciclos FP, o importe máximo da subvención por beneficiario/a será de 450 euros, para o curso 2023/2024. Poderán optar a estas axudas persoas residentes e empadroadas no municipio de Silleda (alomenos un ano antes da publicación das bases), e que cursen os referidos estudos universitarios e ciclos formativos. Así mesmo, a renda per cápita familiar debe de ser igual ou inferior a 6.000 euros. Ao igual que aconteceu xa nos últimos anos, as axudas serán con ingreso

directo na conta bancaria dos beneficiarios. O prazo para solicitar estas axudas remata o vindeiro día 6 de outubro.


Axudas para libros e material escolar

Tamén se publicou no BOP a convocatoria das axudas complementarias para libros de texto e material escolar, que están destinadas a familias que precisan dunha protección especial ou ben teñen a todos os seus membros en situación de desemprego. O prazo é de 15 días naturais contados a partir de hoxe polo que remataría neste caso o 30 de

setembro.


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page