A Xunta inviste preto de 130.000 euros na mellora da xestión de residuos en Rodeiro

As axudas concedidas polo Executivo galego permitiron ampliar o punto limpo fixo

existente no municipio e adquirir un punto limpo móbil

Laura Moure/Rodeiro

O delegado territorial da Xunta en Pontevedra, Agustín Reguera, visitou onte o punto limpo de Rodeiro que foi ampliado grazas a unha axuda da Xunta de preto de 60.000 euros. Así, acompañado polo alcalde de Rodeiro e por concelleiros da corporación local, o delegado territorial puido comprobar o resultado dos traballos de ampliación que consistiron na mellora dos sistemas de seguridade e na instalación de novos contedores que permiten a recollida, separación e eliminación de máis tipos de residuos.

Ademais, o concello adquiriu un punto limpo móbil grazas a unha achega do Goberno

autonómico de preto de 70.000 euros.

Publicidade

Preme na imaxe para obter máis información do evento.

O delegado territorial aproveitou a visita para lembrar a importancia de facer unha boa

xestión dos residuos e incidiu na importancia de facer boas políticas de sensibilización que

consigan educar e convencer á cidadanía na adopción de bos hábitos.

Publicidade

Preme na imaxe se queres contactar connosco.

“A Administración leva moitos anos facendo un gran esforzo para mellorar a xestión e

reciclaxe dos residuos, pero todo investimento é inútil se as veciñas e veciños non

colaboran seguindo as directrices que marcan os concellos e esforzándose por manter

unha contorna limpa e libre de contaminación”, concluíu.