A Xunta impartirá en Lalín o 11 de marzo unha charla informativa sobre a dermatose nodular contaxiosa

O obxectivo de concienciar aos gandeiros nas implicacións desta enfermidade e lembrar as medidas de bioseguridade preventivas establecidas polo Goberno autonómico

Laura Moure/Lalín

A Consellería do Medio Rural vai organizar charlas informativas sobre a dermatose nodular contaxiosa (DNC) nas catro provincias, co obxectivo de concienciar aos gandeiros nas implicacións desta enfermidade e lembrar as medidas de bioseguridade preventivas establecidas polo Goberno autonómico para protexer á cabana bovina galega ante esta doenza. Explicaranse as características desta enfermidade e as medidas establecidas na normativa comunitaria no caso da súa aparición; así como as condicións sinaladas actualmente para a vacinación.

A primeira destas xornadas celebrarase na provincia da Coruña o vindeiro luns, 9 de

marzo, ás 10:30 horas no auditorio Carmen Regueira (Casa da Cultura) do concello de

Ordes. A segunda será o martes, día 10, ás 11:00 horas no salón de actos da Delegación

da Xunta en Lugo.

O Salón Teatro de Lalín acollerá o mércores, día 11, ás 11:00 horas, a xornada organizada

para a provincia de Pontevedra; e a de Ourense terá lugar no salón de actos da Delegación da Xunta na cidade o xoves, día 12, ás 10:30 horas. Todas as xuntanzas son

de entrada libre, polo que non é necesario inscribirse de xeito previo.

Medidas tomadas en Galicia

Nestes encontros incidirase tamén nas medidas preventivas que seguen vixentes en

Galicia ata o vindeiro 31 de marzo, podéndose ampliar este prazo en función da evolución

epidemiolóxica da doenza. Así, están permitidas as feiras, certames, poxas, mercados e

concentracións de gando con finalidade comercial, pero só poderán asistir animais

procedentes de explotacións galegas. Con todo, os vehículos que veñan de fóra da

comunidade deberán acceder ás instalacións baleiros, limpos, desinfectados e

desinsectados.

 Publicidade

Preme para obter máis información.

En relación coa celebración extraordinaria de concursos, certames, poxas e exhibicións,

continúa sendo precisa a autorización previa da Dirección Xeral de Gandaría, Agricultura e Industrias Agroalimentarias da Consellería do Medio Rural, no seu caso tamén con

asistencia só de animais de explotacións galegas.

Mantense a vixencia do período de vixilancia veterinaria oficial de 21 días para todos os

bovinos procedentes de fóra da comunidade -con destino a vida-, dende a data da súa

incorporación á explotación de destino na nosa comunidade. Todos os animais das

granxas que incorporen bovinos procedentes doutras partes do territorio español ou do

estranxeiro quedarán inmobilizados durante o mesmo período de tempo. Unha

inmobilización que afectará aos bovinos presentes na explotación na data de entrada dos

novos animais.

Ao mesmo tempo, continúa sendo obrigatorio desinsectar os bovinos presentes na

explotación á que se incorporen estes animais, así como todos os vehículos de transporte

de gando que realicen movementos de entrada a Galicia, tanto para vida como para

sacrificio, e, neste último caso, manténdose a posibilidade da súa entrada sempre que

sexan trasladados directamente a matadoiro.

 PUBLICIDADE

Preme na imaxe para contactar con nós!

Peticións ao Ministerio de Agricultura

Por parte da Consellería do Medio segue a emitirse unha mensaxe de tranquilidade, tanto

para o sector como para a cidadanía en xeral, xa que non hai constancia de ningún caso

desta enfermidade en Galicia e, cómpre lembrar, trátase dunha enfermidade que non se

transmite ás persoas.

Con todo, segue a demandarse ao Ministerio de Agricultura, Pesca e Alimentación máis

implicación por parte deste departamento, así como unha estratexia clara de coordinación

entre todas as comunidades autónomas para o control eficaz desta enfermidade, co fin de

implementar medidas homoxéneas que dean certezas e seguridade ao sector gandeiro,

especialmente no caso de ter que poñer en marcha indemnizacións.

Reclámase tamén ao Goberno central que lidere de forma xurídica e económica, no marco

da Unión Europea, o desenvolvemento dunha vacina marcada que poida administrarse de

xeito preventivo, para así reducir o risco de aparición desta enfermidade nas explotacións

de gando vacún. Solicítase tamén unha modificación na normativa comunitaria da

categoría da enfermidade, actualmente cualificada como A- a máis grave das existentes,

tendo en consideración que non é zoonótica. Ambos asuntos foron tamén trasladados ao

comisario europeo de Agricultura e Alimentación no marco da reunión mantida este martes

polo presidente da Xunta en Bruxelas.