A Xunta financia en Dozón con máis de 35.000 euros dúas obras de corrección de impactos paisaxísticos
As axudas permitirán mellorar o acabamento da cuberta do local social de Saa e intervir no lavadoiro municipal do lugar do Mosteiro
Laura Moure/Dozón
O delegado territorial da Xunta en Pontevedra, Agustín Reguera, visitou este luns o concello de Dozón, que recibiu unha subvención por importe de máis de 35.000 euros para desenvolver dúas actuacións ao abeiro das axudas para actuacións de corrección de impactos paisaxísticos da Consellería de Medio Ambiente e Cambio Climático.
A axuda permitirá mellorar o acabamento da cuberta do local social de Saa e intervir no lavadoiro municipal do lugar do Mosteiro. Desta forma o concello busca, por unha parte,
mellorar as condicións dunha edificación moi utilizada polos veciños da zona e, por outra,
manter en bo estado o patrimonio cultural do concello.
Publicidade
Cabe destacar que as accións subvencionables inclúen tanto a renovación e remate
exterior de fachadas, cubertas e muros de cerramento de edificios municipais como a
mellora do aspecto e conservación de elementos etnográficos como fontes, lavadoiros,
palcos de música e hórreos así como doutro tipo de equipamentos públicos.
Publicidade
Na provincia de Pontevedra tamén se beneficiaron da convocatoria de axudas deste ano
para promover o fermosismo os concellos de Meis, Caldas de Reis, Fornelos de Montes,
Pazos de Borbén e Covelo. En total, o destinado nesta liña de achegas a concellos da
provincia de Pontevedra supera os 116.000 euros.
Comentarios