A Xunta colaborará co Concello de Silleda para acometer a mellora do consultorio de Bandeira

O financiamento das actuacións repartirase ao 50 % entre cada una das administracións, polo que a Xunta achegará un total de 53.890 euros

Laura Moure/Silleda

A Xunta colaborará co Concello de Silleda para acometer a mellora do consultorio de Bandeira, que suporá un investimento de preto de 108.000 euros. A tal fin, a Consellería de Sanidade e o Concello de Silleda asinarán o correspondente convenio de colaboración, no que se establecen as bases para a reforma da cuberta deste centro, que é de titularidade municipal e, polo tanto, é a administración local a quen lle corresponde o seu correcto mantemento. 

Concelleiros de Silleda xunto ao centro de saúde da Bandeira durante unha visita da deputada Belén Cachafeiro.

O financiamento das actuacións repartirase a un 50 % entre cada unha das administracións. Así, tal e como se recolle no convenio, a Xunta, por medio do Servizo Galego de Saúde, achegará un total de 53.890 euros para acometer o arranxo da cuberta.

As obras de reforma que se pretenden executar teñen por finalidade a substitución da cuberta do consultorio. A tal efecto, procederase á demolición da cuberta existente de tella e placas de fibrocemento, substituíndoa por un sistema de cobertura a base de panel sándwich illante de aceiro de 40mm de espesor con acabado prelacado e núcleo illante, que mellora a eficiencia enerxética.

 Publicidade

Preme na imaxe para obter máis información do evento.

Na obra que se vai realizar prestarase especial atención a  todos os encontros do novo material de cuberta coas fachadas e petos de cuberta, substituíndo, así mesmo, o canlón da fachada sur e xerando un novo canlón oculto na fachada norte, perfectamente impermeabilizado que evite filtracións de auga no interior da edificación.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Ademais de asumir o financiamento do 50 % da actuación, o Concello de Silleda asume tamén o compromiso de redactar o documento técnico necesario para acometer as obras, así como a licitación, adxudicación e execución dos traballos. 

Pola súa banda, o Servizo Galego de Saúde será o encargado da coordinación das actuacións necesarias para garantir o mantemento e a continuidade asistencial durante o prazo de execución das obras. 

Publicidade

Preme para contactar con nós e pregunta polas tarifas que son unha bicoca!

A achega da Xunta enmárcase no obxectivo do Goberno galego de modernización e mellora das infraestruturas sanitarias e o equipamento, facendo os centros sanitarios máis eficientes, promovendo a economía circular e o respecto ao medio ambiente.