A tradicional San Silvestre de Cruces será un evento solidario a favor da Fundación Martín Álvarez Muelas

Celebrarase o domingo, 28 de decembro

Laura Moure/Vila de Cruces

O Concello de Vila de Cruces, dentro da súa programación de Nadal, celebrará o domingo, 28 de decembro, a carreira de San Silvestre 2025. Esta edición será un evento solidario a favor da Fundación Martín Álvarez Muelas, que impulsa e promove accións que, en colaboración con equipos médicos e científicos, favorezan a identificación de tratamentos que melloren os procesos do cancro infantil en xeral e, en particular, o DIPG infantil (Glioma Difuso Intrínseco de Tronco), un cancro cerebral extremadamente agresivo e pouco común nos máis pequenos que tristemente se levou a unha pequena veciña do Concello, Lara García.

Ademais da tradicional carreira popular, a San Silvestre deste ano terá tamén unha andaina, ambas opcións polo casco urbano de Cruces. A actividade celebrarase pola

mañá, con saída desde a Praza do Concello. A andaina comezará ás 11:15 horas, cun percorrido de 3,8 quilómetros. Na carreira, poderán participar adultos, que farán ás 12:15

horas a proba absoluta percorrendo 3 quilómetros e 800 metros; e nenos e nenas que

poderán participar en dúas categorías ás 12:00 horas, unha cun percorrido de 200 metros

e outra de 480 metros. Tamén poderán correr disfrazados para poñerlle o toque festivo a

esta actividade.

 Publicidade

Preme na imaxe para obter máis información.

A inscrición é obrigatoria, cunha doazón de 5 euros no número de conta da Fundación

Martín Álvarez Muelas: ES87 2100 8250 4002 0004 9892; ou ben facendo un Bizum á Fundación: 08586 (Concepto: San Silvestre Cruces + nome do participante). O prazo para

anotarse e para recoller as entradas no Ximnasio Municipal será do 15 ao 22 de

decembro, sendo necesario presentar o xustificante de pago da doazón.

Publicidade

Preme para contactar con nós e pregunta polas tarifas que son unha bicoca!

Ademais, haberá unha carpa na Praza do Concello cun posto de chocolate con churros,

de balde para os participantes e á venda para o público. Tamén haberá música ambiente

para amenizar o mediodía e faranse sorteos entre os participantes de cestas de Nadal.