A Pre-Xuventude de Palas celebrará o 12 de xuño unha cea-baile con bingo, sorteos e actuación musical

As entradas xa están á venda

Laura Moure/Palas de Rei

A comisión da Pre-Xuventude de Palas de Rei xa ten todo preparado para a celebración da súa tradicional cea-baile, que terá lugar o vindeiro 12 de xuño no Polideportivo Municipal da localidade.

 PUBLICIDADE

Preme para obter máis información.

O evento contará cun completo programa pensado para reunir veciños e visitantes arredor da festa. A cea incluirá empanada, paella, sobremesa e café, cun prezo de 20 euros por persoa.

Ademais da parte gastronómica, a organización preparou unha sesión de bingo e diversos sorteos, que contribuirán a animar a xornada e a fomentar a participación dos asistentes.

Un dos momentos máis agardados da noite será a actuación musical do dúo Veneguay, encargado de poñer ritmo á celebración e de facer bailar ao público durante a velada.

As entradas xa están á venda en distintos puntos de Palas de Rei: Librería A Clave, Pensión Arenas e Bar Zendoira. Tamén poden adquirirse contactando directamente con membros da comisión organizadora.

 PUBLICIDADE

Preme na imaxe e contacta con nós!

A actividade conta coa colaboración do Concello de Palas de Rei e da Asociación de Festeiros no Camiño de Palas de Rei, e enmárcase dentro das iniciativas promovidas para manter viva a tradición festiva e favorecer a convivencia veciñal.

Baixo o lema "Aínda que non te sintas xoven, podes vir igual, non é a idade, senón como te sintas", a organización anima a toda a veciñanza e ás persoas da contorna a participar nesta celebración.