A Plataforma veciñal contra a mina de Touro-O Pino presenta unha queixa ante a Valedora do pobo
- ecosdacomarca
- hace 9 minutos
- 2 min de lectura
O motivo, sinala que "é polas trabas á veciñanza na súa lexítima loita contra a reapertura da mina de cobre"
Ecos da Comarca/Touro
A Plataforma veciñal contra a mina de Touro-O Pino ven de presentar unha queixa á Valedora do Pobo polo “abuso de poder” do Goberno Galego, ao negarse a Consellería de Economía da Xunta, a recoñecer o carácter de “afectados” a veciñanza afectada pola instalación do proxecto mineiro, incluso a persoas propietarias de terras onde se pretende a súa instalación.
PUBLICIDADE
"Isto deixáas en clara indefensión, sen voz na tramitación do proxecto, vulnerando os seus dereitos de participación, sendo as persoas máis directamente prexudicadas", lamenta a plataforma.
PUBLICIDADE
Preme na imaxe para obter máis información do evento.
Resulta inconcibible, apunta, "non considerar “afectado” a calquera veciño ou residente na zona e en toda a conca do Ulla, ata a propia Ría de Arousa".
PUBLICIDADE
"Porén, rexeitar esta condición incluso aos directamente afectados nas terras da súa propiedade, revela ate que punto a Xunta de Galicia abusa do seu poder para facilitar a instalación dun negocio privado meramente extractivo, promovido polo lobby mineiro, que pon en grave perigo o medio ambiente, a economía agropecuaria e pesqueira e mesmo a saúde e calidade de vida de miles de galegos e galegas", salienta o colectivo.
PUBLICIDADE
E recalca que "xa hoxe en día o Concello de Touro ten problemas para subministrar auga potable á súa veciñanza, ata o punto de que ten que mercar 173m3 diarios de auga ao Concello de Boqueixón. Pódese prever perfectamente o que sucederá coa instalación dunha mina que consumirá millóns de litros dese mesmo caudal, poñendo en perigo o recurso máis elemental e básico para a vida. Permitilo sería unha irresponsabilidade histórica".
PUBLICIDADE
E insiste en que "a Xunta de Galiza atópase nun punto de total inconsistencia ambiental e social e a única saída posible pasa por atender ao clamor social, emitir unha Declaración de Impacto Ambiental desfavorable e proceder ao arquivo definitivo do proxecto de Cobre San Rafael".
