A Plataforma Ulloa Viva conmemora a histórica manifestación contra Altri en Palas de Rei

Ecos da Comarca/Palas de Rei

A plataforma Ulloa Viva quere agradecer profundamente ás decenas de persoas que se achegaron á andaina conmemorativa este sábado, 23 de maio, dende Palas de Rei ata a Finca de Quintas na Vacariza, punto no que se pretende instalar a macrocelulosa de Altri. A ruta discorreu por un tramo do Camiño de Santiago francés.

Publicidade

Preme na imaxe para obter máis información do evento.

O acto serviu como lembranza da histórica manifestación celebrada fai un ano en Palas de Rei, onde máis de 20.000 persoas alzaron a voz en defensa do noso territorio e en contra da instalación da macrocelulosae de ALTRI. "Un ano despois, seguimos con forza", subliña a Plataforma.

Publicidade

Preme na imaxe se queres contactar connosco.

Tanto á saída como á chegada tivo lugar unha acción simbólica que consistía en

despregar unha mensaxe de "GRAZAS", como mostra de recoñecemento ao éxito

da campaña de financiamento colectivo que permitirá financiar a estratexia xudicial

da plataforma veciñal.