A neurocirurxiá de Agolada M.ª Dolores Varela, entre as 50 mellores doutoras de España por segundo ano
Laura Moure/Agolada
A neurocirurxiá M.ª Dolores Varela, natural de Agolada, foi distinguida por segundo ano consecutivo como unha das 50 mellores doutoras de España, un recoñecemento concedido pola revista Vanitatis, pertencente a El Confidencial.
A doutora, que desenvolve a súa actividade profesional no Instituto Clavel de Barcelona, recibe así unha nova distinción que pon en valor a súa traxectoria no ámbito da neurocirurxía, a súa dedicación aos pacientes e o seu compromiso cunha medicina en constante evolución.
PUBLICIDADE
Este recoñecemento destaca o labor de profesionais que sobresaen pola súa experiencia, vocación e contribución ao ámbito sanitario.
Desde o Instituto Clavel trasladaron a súa satisfacción por este novo logro e felicitaron publicamente á doutora Varela, á que cualifican como un exemplo de profesionalidade, vocación e excelencia médica.
PUBLICIDADE
Unha distinción que tamén supón un motivo de orgullo para Agolada, que ve recoñecida a traxectoria dunha profesional da súa terra no ámbito da medicina a nivel estatal. Cabe mencionar que Varela é filla do exalcalde agoladés, Ramiro Varela, e neta do exmandatario tamén de Agolada, Manuel Costa Casares.
NOTICIA RELACIONADA:
A agoladesa María Dolores Varela Costa na lista Forbes dos 100 mellores médicos de España: https://www.ecosdacomarca.com/post/a-agoladesa-mar%C3%ADa-dolores-varela-costa-na-lista-forbes-dos-100-mellores-m%C3%A9dicos-de-espa%C3%B1a
Comentarios