A Mancomunidade do Camiño Francés estreita lazos coa Republica Dominicana

A presidenta da Mancomunidade e os alcaldes e representantes de Paradela, Portomarín, Monterroso, Palas e O Pino, reuníronse co presidente do centro galego na República Dominicana

Laura Moure/Xeral

A presidenta da Mancomunidade, Begoña Balado Conde, acompañada dos alcaldes e representantes de Paradela, Portomarín, Monterroso, Palas e O Pino, reuníronse co presidente do centro galego na República Dominicana, D. Antonio Sánchez.

 PUBLICIDADE

Se queres obter máis información do evento preme na imaxe.

O obxectivo deste encontro, foi o de explorar vías de colaboración para promover o Camiño de Santiago Francés entre os habitantes desta isla. A República Dominicana, ata fai poucos anos era un país asociado ó turismo barato e cun limitado desenvolvemento económico, pero nos últimos anos sufriu unha transformación que a convirteu nun país atractivo para inversións extranxeiras que fixo da súa economía, unha das máis estables de América Latina.

 PUBLICIDADE

Preme para obter máis información.

"Queremos que o Camiño Francés siga sendo a principal vía xacobea, así que non só imos promocionar o noso Camiño en países que xa envían peregrinos, senón que imos dar un paso máis, e ensinar todo o noso potencial alá onde non se nos coñece", afirma Begoña Balado, presidenta da Mancomunidade.