A maioría das empresas españolas fabricantes de carrocerías de autobuses estarán na ExpoBus Iberia

Esta cita terá lugar do 20 ao 22 de novembro no recinto Feira Internacional de Galicia ABANCA de Silleda

Laura Moure/Silleda

A Feira do Transporte de Viaxeiros por Estrada, ExpoBus Iberia, a cal terá lugar do 20 ao 22 de novembro no recinto Feira Internacional de Galicia ABANCA (Silleda, Pontevedra), contará na súa área expositiva coa maioría de empresas nacionais fabricantes de carrocerías para autobuses. Así, estarán presentes a maioría das compañías españolas que se centran nesta actividade actualmente, como Irizar, Beulas, Castrosúa, Unvi, Indcar, Integralia ou Ferqui. Unha ampla representación de empresas carroceras nacionais que se

alcanzou grazas á alianza entre ExpoBus Iberia e a Asociación Nacional de Fabricantes de Carrocerías de Autobuses (ASCABUS), que renovaron recentemente o seu acordo de colaboración para esta nova convocatoria do certame.

En virtude deste convenio, ASCABUS, membro do Comité Organizador do Certame, levou a cabo unha intermediación activa entre os seus asociados para a súa posible participación como expositores na feira, ademais de promocionar ExpoBus Iberia

2025 en diversos soportes e canles de comunicación. Así mesmo, a Asociación está a colaborar na planificación e posta en marcha do programa oficial de actividades da

feira, apoiando á Fundación, o Comité Organizador e demais colaboradores.

Publicidade

Preme na imaxe para obter máis información do evento.

Pola súa banda, a Feira Internacional de Galicia ABANCA ofreceu condicións vantaxosas a aquelas empresas asociadas a ASCABUS que formalizaron a súa participación na feira. Así mesmo, facilitará un espazo expositivo a ASCABUS durante o certame, polo que a Asociación contará cun stand propio, ademais de cederlle unha sala ou espazo habilitado durante o evento, en función da súa dispoñibilidade, para a realización de actividades de interese para o sector, os seus profesionais e visitantes.

Un gran escaparate do sector

ExpoBus Iberia 2025 volverá converterse nun gran escaparate e foro do sector, conxugando unha completa exposición e un interesante programa. Así, durante tres días contará coa presenza das principais empresas fabricantes e carroceiras do sector do autobús de todo o mundo, ademais de numerosas compañías relacionadas coa industria auxiliar, que mostrarán ás empresas de transporte e os seus profesionais as últimas novidades en vehículos, equipamento, sistemas, servizos ou solucións tecnolóxicas para as súas frotas.

Publicidade

Preme na imaxe se quere contactar connosco.

Ademais, as súas actividades incluirán desde interesantes xornadas técnicas que abordarán as problemáticas do sector ou os seus retos de futuro ata un circuíto de probas para testar o funcionamento dalgúns modelos, unha exposición de vehículos clásicos con auténticas xoias sobre rodas ou o Premio ao Mellor Condutor de Autocar, que este ano se internacionaliza con tres categorías, nacional, europea e mundial.