Laura Moure/Lalín
José Ignacio Cociña, presidente da Federación Galega de Rugby, acaba de informar do nomeamento como nova vogal da Xunta Directiva da lalinense Rocío García Eiras.
Eiras, a maiores de ser capitá do XV do Toxo, estivo presente en tres mundiais e vestiu máis de 60 veces a camiseta das Leoas.
Tras coñecer a nova ECOS DA COMARCA púxose en contacto con Eiras. "Sen dúbida foi unha chamada inesperada, despois duns anos retirada dos campos, pero dende o primeiro momento sabía que tiña que subirme ao tren e seguir loitando pola miña gran paixón que é o deporte do oval. Unha forma de aportar o meu gran de area a un deporte que tanto me aportou", confesa a lalinense. "Toca adaptarse aos novos tempos e ganas e ilusión non faltan", engade.
![](https://static.wixstatic.com/media/0216be_2f4b6d8cef8c4743a8097350a57c791e~mv2.jpg/v1/fill/w_145,h_85,al_c,q_80,usm_0.66_1.00_0.01,blur_2,enc_auto/0216be_2f4b6d8cef8c4743a8097350a57c791e~mv2.jpg)