top of page

A Garda Civil localiza en Melide a un peregrino italiano que figuraba como desaparecido

Laura Moure/Melide

A Oficina Móbil de Atención ao Cidadán (OMAP) da Comandancia da Coruña en colaboración coa Garda Civil de Melide localizou a un peregrino italiano que figuraba como desaparecido no Camiño Francés de Santiago. Os feitos sucederon por mor da alerta realizada pola Central Operativa de Servizo (COS) de León o día 4 do presente mes de setembro, comunicando a suposta desaparición dun cidadán italiano na zona de Camponayara, segundo denuncia presentada en Italia pola súa nai, a cal levaba varios días sen poder contactar con el, e tal como informa a Oficina de Prensa da Comandancia da Coruña.

Foto de arquivo.

A Garda Civil xunto coa persoal da Arma de Carabinieri que se atopa prestando servizo na OMAP, iniciaron a procura desta persoa, percorrendo os posibles lugares onde pola sucesión de etapas debería atopase, realizando as xestións pertinentes para a súa localización. Como froito do labor realizado, os efectivos actuantes lograron situar ao desaparecido na localidade de Melide, solicitando a colaboración do Posto da Garda Civil desa localidade.

Publicidade

Confirmando os compoñentes de Posto de Melide que o desaparecido atopábase en perfecto estado de saúde, iniciando a etapa Melide -Arzúa á altura do lugar de Santa María e que non podía contactar cos seus familiares por ter o teléfono móbil inoperativo. Unha vez verificado a presenza e o estado de saúde desta persoa, o Carabinieri da OMAP contactou cos seus familiares para informalos da situación.


Publicidade

A Garda Civil recomenda aos peregrinos que realizan o Camiño de Santiago que fagan uso da app AlertCops, a cal ten unha pestana específica Camiño de Santiago que permite aos peregrinos contactar directamente coa Central Operativa da zona na que se atopa en caso de necesidade, ofrecendo ademais a posibilidade de estar xeolocalizado, se o peregrino así o desexa.


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page