A Garda Civil investiga ao condutor dunha furgoneta interceptada a 185 km/h
Ecos da Comarca/Xeral
Efectivos do Sector de Tráfico da Garda Civil de Galicia, a través do Grupo de Investigación e Análise de Tráfico (GIAT), procederon á investigación dun condutor tras ser detectado circulando a unha velocidade de 185 km/h na autoestrada AP-9, ao seu paso pola provincia da Coruña, en concreto á altura de Abegondo.
A infracción foi captada durante a madrugada do pasado 21 de novembro de 2025. Axentes do Destacamento de Tráfico da Coruña, que se atopaban realizando un control de velocidade mediante radar láser, detectaron unha furgoneta que circulaba a unha velocidade que duplicaba o límite legal establecido para este tipo de vehículos, fixado en 90 km/h en autoestradas e autovías.
Publicidade/DOAZÓN PARA ECOS DA COMARCA
Dadas as adversas condicións meteorolóxicas e a escasa visibilidade no momento do avistamento, os axentes priorizaron a seguridade viaria e optaron por non iniciar unha persecución a alta velocidade, derivando as actuacións posteriores ao Grupo de Investigación e Análise de Tráfico (GIAT).
Tras un exhaustivo labor de indagación, os axentes do GIAT lograron a plena identificación do condutor, un home residente na Coruña. Instruíronselle dilixencias en calidade de investigado como presunto autor dun delito contra a Seguridade viaria.
Publicidade
O Regulamento Xeral de Circulación estipula que, mentres turismos e motocicletas poden alcanzar o 120 km/h en vías de alta capacidade, os vehículos de carga como furgonetas teñen limitada a súa velocidade a 90 km/h neste tipo de vías e en 80 Dm/h en estradas convencionais.
De acordo con o artigo 379 do Código penal, superar en máis de 80 km/h o límite permitido en vías interurbanas pode carrexar:
Penas de prisión de 3 a 6 meses.
Multas de 6 a 12 meses ou traballos en beneficio da comunidade (de 31 a 90 días).
Privación do dereito para conducir vehículos de motor e ciclomotores por un período de entre 1 e 4 anos.
Publicidade
Colaboración cidadá
A Garda Civil agradece a colaboración cidadá e lembra que dispón de canles habilitadas para comunicar feitos delituosos ou infraccións de forma totalmente reservada:
• Correo electrónico: colabora@guardiacivil.org
• Formulario web: https://web.guardiacivil.es/es/colaboracion/formulariosde-colaboracion/Delitos_Infracciones.htm
Comentarios