A Festa do Queixo de Arzúa pecha cunha afluencia de 40.000 visitantes e cifras récord de participación

Ecos da Comarca/Arzúa

A Festa do Queixo de Arzúa rematou este domingo cun balance moi positivo e cifras récord de participación, tal e como sinala a organización.

 Publicidade

Preme para obter máis información.

Ao longo da fin de semana arredor de 40.000 persoas visitaron Arzúa, nunha edición marcada polo récord de solicitudes de queixerías e postos exteriores, o éxito absoluto das catas e showcookings (coas 500 prazas cubertas e lista de agarda) e o grande impacto nas vendas, con moitas queixerías esgotando produto.

 PUBLICIDADE

Preme na imaxe para contactar con nós!

A programación musical, infantil e as actividades exteriores contaron tamén cunha gran afluencia de público, consolidando a Festa do Queixo como unha das citas gastronómicas e culturais máis relevantes de Galicia.