top of page

A disposición xudicial o presunto autor de varios lumes provocados no monte de Orosa, en Palas

Estes tiveron lugar durante o pasado mes de agosto


Laura Moure/Palas de Rei

Medios durante a extinción nun dos incendios forestais de Orosa o pasado agosto. Autor: Ecos da Comarca.

Axentes da Unidade de Investigación de Incendios Forestais (UIFO) da Xunta de Galicia puxeron en coñecemento da Fiscalía de Medio Ambiente as actividades do presunto responsable de provocar diferentes incendios forestais no monte de Orosa, no concello de Palas de Rei, durante o pasado mes de agosto, e como dende ECOS DA COMARCA lles demos conta.


Publicidade

Tras un traballo de investigación de dous anos, en colaboración cos axentes ambientais que exercen as súas funcións nesa parte do territorio, conseguiuse recadar probas indiciarias suficientes para que a Fiscalía poña a disposición xudicial a esta persoa, como presunto autor dos últimos incendios, que afectaron unha superficie de arredor de 126 hectáreas de monte raso, dentro dun terreo de alto valor ecolóxico, a maior parte del en Rede Natura 2000.


Publicidade

Así, neste sentido, por parte dos profesionais da UIFO constátase que a zona do Careón é, historicamente, unha área de alta incidencia de incendios forestais, lumes coas mesmas características e que se rexistran de xeito provocado, coa intención de queimar a maior superficie de monte posible. A Fiscalía remitiu as actuacións ao xulgado de primeira instancia e instrución nº 1 de Chantada, para que este incoe dilixencias previas por delito de incendio forestal.


NOTICIAS RELACIONADAS:

0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page